اسلام آباد۔ 13ستمبر (اے پی پی) بنجائی وزیر تعلیم و کسبی تربیت شفقت محمود پارینے کہ کینٹ بورڈ انا گچین کاری تا نتیجہ پیدوار اٹ غٹ صوبہ غاتے ٹی پاکستان تحریک انصاف نا زبردست طاقت و مقبولیت ءِ پاش کیک۔ دوشنبے نادے آ تینا اسہ ٹویٹ اسے ٹی کینٹ بورڈ انا گچین کاری تیا تران کرسا اوپارے کہ پاکستان تحریک انصاف داگچین کاری تیٹی تینا پبی واک انا درشانی ءِ کرے و ملک انا غٹ آن پنی جماعت نا وڑاٹ مون آ بسنے۔ پاکستان تحریک انصاف نا اومیتدار کینٹ بورڈ انا گچین کاری تیٹی ملک انا ہرچار صوبہ غاتیان سرسہب مسر و داملک انا اسٹ انگا جماعت ءِ ہرا مچ آ ملک آن نشست دوئی کرے۔ شفقت محمود پارے کہ تحریک انصاف وزیراعظم عمران خان نا کماشی ٹی پیدوار وڑاٹ ملک گیر سیاسی واک اس جوڑ مرسا مون آ بسنے ہرانا پین جماعت اسے تون ہچ ءُ موازنہ اس اف۔ تحریک انصاف نا دا سرسہبی تے وزیراعظم عمران خان نا پالیسی تا چرجوئی گودنگ انگ ءِ۔
