ہفتاد سال انا تعلقداری تا پوسکنی، جرمن بحریہ نا جہاز ایف جی ایس بائیرن نا کراچی نادورہ

کراچی۔ 13ستمبر (اے پی پی) جرمن بحریہ نا جہاز ایف جی ایس بائیرن (FFG-217) 8آن 12ستمبر 2021اسکان کراچی نادورہ ءِ کرے۔ دوشنبے نادے آ جاری اعلامیہ نا رداٹ دادورہ نا مسخت پاکستان و جرمنی نا نیام اٹ 70سال انا تعلقداری تا پوسکنی ئس۔ ایف جی ایس بائیرن نا چار دے ئی دورہ ہاربر و سی فیز آ تالان ئس۔ ہاربر فیز اٹی چندی ہاربرایونٹس، سوشل کالز، نمان ہند آتا دورہ، کسبی سرحال آتیا ڈسکشن، کراس شپ وزٹ و آن بورڈ عشائیہ اوار ئس۔ جرمن جہاز انا اسہ ڈل اس بانی پاکستان ءِ خراج عقیدت پیش کننگ کن بانی پاکستان قائد اعظم محمد علی جناح نا مزار آ حاضری تس و پھل آتا چادراس شاغار۔ ہاربر فیز انا پوروی آ ہڑتوم آ ملک آتا بحری فوج آتا جہاز آتا نیام اٹ سمندر اٹ ہڑتوم آ کنڈآتا مشق ہم کننگا تانکہ ہڑتوم آ بحری فوج آتا نیام اٹ تین پہ تینی کمکاری ءِ مون آ دننگ مرے۔ پاکستان و جرمن بحریہ امن نا شریدار ءُ و رکھ سمندری چاگڑد نا دوئی کننگ کن کوشست کننگ ءُ۔ ایف جی ایس بائیرن نا ساڑی آ دورہ ہڑتوم آ فوج آتے کن ہڑتوم آ کنڈآتا تعلقداری تے مون آ دننگ تون اوار اوار کسبی لائخی تا مون آ دننگ اٹ ہم کاریمی پک مس۔ ہڑتوم آ ملک آتا نیام اٹ ہڑتوم آ کنڈآتا تعلقداری نا ہفت دہائی پورو مننگ آ پی این ایس ذوالفقار ہم اگست 2021نا بناٹی جرمنی نا بندرگاہ ہیمبرگ نا دورہ ءِ کریسس۔