اسلام آباد۔ 13ستمبر (اے پی پی) وزیر مملکت حوالکاری و شینکاری فرخ حبیب پارینے کہ کنٹونمنٹ گچین کاری تیٹی الس وزیراعظم عمران خان آ پبی پت انا درشانیءِ کرینے، اسہ وار ولدا پی ٹی آئی غٹ آن زیات نشست آتے ٹی مونی مس، پی ٹی آئی اسٹ انگا قومی پارٹی نا وڑٹ مون آ برسا مون آ بس ہراغٹ صوبہ غاتے ٹی نمائندگی دوئی کرینے۔ دوشنبے نادے آ تینا ٹویٹ اٹی وزیر مملکت فرخ حبیب پارے کہ مسلم لیگ ن و پیپلزپارٹی پلینگسا علاقائی جماعت جوڑ مسنو۔ بلوچستان اٹی مسلم لیگ ن اسہ سیٹ اسے ہم کٹنگ کتو، سندھ اٹی مسلم لیگ ن نا پنچ می نمبر ئس، پیپلزپارٹی پنجاب و بلوچستان اٹی اسہ سیٹ اس ہم دوئی کننگ کتو۔
