اسلام آباد۔ 13ستمبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ کنٹونمنٹ بورڈ انا گچین کاری تیان اسہ وار ولدا پک مس کہ تحریک انصاف ملک انا اسٹ انگا گیشتری جماعت ءِ۔ دوشنبے نادے آ تینا ٹویٹ اٹی اسدعمر نا پاننگ ئس کہ کنٹونمنٹ بورڈ انا گچین کاری تیان پک مس کہ وزیراعظم عمران خان اسٹ انگا قومی راہشون ءِ، تحریک انصاف ہر صوبہ ٹی اولیکو یا ارٹ میکو نمبر آ ئس۔ بنجائی وزیر نا مستی پاننگ ئس کہ ن لیگ بلوچستان اٹی ہچ ءُ سیٹ اس دوئی کننگ کتو وخت اس کہ پیپلزپارٹی نا پنجاب اٹی ہچ ءُ سیٹ اس اف۔
