کوئٹہ۔ 13ستمبر (اے پی پی) وزیراعلیٰ بلوچستان جام کمال خان نا کماشی ٹی اینخو مالی سال 2021-22نا پوسکن آ و جاری شونداری ڈٹ آتیا پیش رفت نا بابت بڑزکو کہولی دیوان اس اڈ ہلک۔ دیوان اٹی صوبائی وزیر میر عارف جان محمد حسنی، میر عمر خان جمالی، سردار عبدالرحمان کھیتران، انجینئر زمرک خان اچکزئی، چیف سیکرٹری بلوچستان مطہر نیاز رانا، ایڈیشنل چیف سیکرٹری ڈٹ بندی و شونداری حافظ عبدالباسط، وزیراعلیٰ نا پرنسپل سیکرٹری اسفند یار خان، سیکرٹری خزانہ عبدالرحمان بزدار، سیکرٹری مواصلات زاہد سلیم، سیکرٹری بلڈنگ غلام علی بلوچ، ڈائریکٹر جنرل تعلقات عامہ شہزادہ فرحت احمد زئی و چیف انجینئر محکمہ مواصلات ڈاکٹر سجاد بلوچ تون اوار ایلو تعلقدار کمامدارآک بشخ ہلکر۔ دیوان ءِ ایڈیشنل چیف سیکرٹری محکمہ ڈٹ بندی و شونداری حوال ترسا پارے کہ اینخو نا سال انا شونداری پروگرام اٹی پی ڈی ڈبلیو پی نا 155و ڈی ایس سی نا 2131شونداری اسکیم آک اوار ءُ وخت اس کہ 1731شونداری اسکیم تا تعلقدار فورم تیان منظوری ءِ ہلنگانے۔ اودیوان ءِ اینخو مالی سال انا 184اولیتی شونداری اسکیم تا بابت ہم حوال تس، سیکرٹری مواصلات زاہد سلیم دیوان ءِ سیکٹر وائز حوال ترسا پارے کہ روڈ ڈیپارٹمنٹ نا 23شونداری ڈٹ پی ڈی ڈبلیو پی وڈی ایس سی نا513ڈٹ آتون اوار کل 859شونداری اسکیم ءُ ہرافتے ٹی 158جاری و 235پوسکن ءُ شونداری ڈٹ اوار ءِ۔ اوڈٹ آتا اتھارائزیشن، ٹینڈر نا جاری کننگ و اینخو مالی سال اٹی پورو مروک آ شونداری ڈٹ آتا بابت ہم دیوان ءِ حوال تس۔ دیوان آن تران کرسا وزیراعلیٰ پارت کرے کہ ڈٹ آتا منظوری کن پی ڈبلیو ڈی پی و ڈی ایس سی نا پراسیس ءِ ترند کننگے۔ اوپارت کرے کہ شونداری ڈٹ آتیا کاریم کروک آ ٹھیکیدار آتا کارکڑد ءِ ہُننگ کن محکمہ بلڈنگ و روڈ پرفارمنس ایویلویشن نا رداٹ اسہ سوگو ءُ حکمت عملی اس تینا کے۔ اوپارے کہ شونداری ڈٹ آک وخت آ پورو مریرہ تو صوبہ شونداری وشونہالی نا کنڈآکاہک۔
