اسلام آباد۔9ستمبر (اے پی پی):پاکستان ءَ بھارتی قابضیں فورسز آنی نیگم ءَ مقوضہ جموں کشمیر ءَ ٹوھیں کساس ءَ جنگی کرائم، بنی آدمی ھک آنی ھلاپ کنگ دروگیں مقاھبلہ، دروگیں فلیگ آپریشنز ءُ زالبول آنی بے شرپی ءِ ھوالگ ءَ ٹ3وھیں ڈوزیئر جاڑی کتگ انت۔ وزیر ءِ درئی کار مخدوم شاہ محمود قریشی ءَ یک شمبے ءِ روچ ءَ بنجاھی وزیر برائے بنی آدمی ھک آنی پھریزوک شیریں مزاری ءُ مشیر راجی سلامتی معید یوسف ءِ ھمبراھی ءَ یکجائی پریس کانفرنس ءِ 131 تاکدیم ءِ ڈویزیئر ءِ بابت ءَ سرپد کنان ءَ گوشت کہ ما اے ڈوزیئر ءِ وسیلگ ءَ راستیں ھال ءُ سرپدی آناں دگنیا ءِ درستاں چہ مستریں جمہوریت ءِ واھند بھارت سرکار ءِ راستیں لکا ءَ را سہرا کنگ ءِ پیسلہ کتگ۔ بنی آدمی ھک آنی لگت مال کنگ ، مقبوضہ کشمیر ءَ ایش نوکیں گپ ءِ نہ انت۔ بھارت ءَ مقبوضہ کشمیر ءَ ظلم ءِ گڈی سیم سر پار کتگ۔ آئی ءَ گوشت کہ ہندتوا حکومت بھارت ءَ اتکگ گڈا اے لگت مالی آنی تہ ءَ گیشی اتکگ ، مرچی بھارتی فوجی چپ ءُ چاگرد ءِ 769 روچ گوستگ۔ آئی ءَ گوشت کہ سید علی گیلانی ءِ یک ستمبر ءِ وھد ءِ بیرانی بوتگ گڈا آئی گس ءَ را چپ ءُ چاگرد کنگ بوتگ۔ آئی کلوہ ءَ را یک کرّ کنگ بوتگ، آئی ءَ را شپ ءِ نیم ءَ دفن کنگ بوتگ۔ آئی ءَ را کبر ءُ کسارت ءِ بنیاتی ھک آناں ھم پچ گرگ بوتگ ءُ آئی گس ءِ مردم آناں کبر ءُ کسارت ءِ ساھت ءَ نئیلگ ءُ بندی کنگ بوتگ۔ آئی ءَ گوشت کہ میاں اوستمانی میڈیا ءَ را کشمیر ءَ روگ ءِ اجازت دیگ نہ بیت، آئی ءَ گوشت کہ بنی آدم آنی چو لگت مالی نہ وش انت۔ ایش پڑے واستہ ٹوھیں جیڈھ ات۔
