سرجمیں ملک ءَ کنٹونمنٹ بورڈ ءِ گچین کاری ءِ کار جاڑی انت

راولپنڈی۔12ستمبر  (اے پی پی):کنٹونمنٹ بورڈ  گچین کاری  ءِ پولنگ ءِ کار بیگاہ ءِ 5 بج ءَ تاں  جاڑی بنت۔ اے موہ ءِ سر ءَ سیکورٹی ءِ ترندیں گامگیج کنگ بوتگ انت۔ سرجمیں ھال آنی رد ءَ سرجمیں ملک ءَ 42 کنٹونمنٹ بورڈ  آنی تہ ءَ 219 وارڈ جوڑ کنگ بوتگ انت۔ کنٹونمنٹ بورڈ بلدیاتی گچین کاری ءَ یک ہزار 550 امیت وار  یک ءُ دگر ءَ مقابلہ کنگ ءَ انت، درستاں چہ گیش امیت وار پی ٹی آئیءَ   میدان ءَ ایر گیتکگ انت۔  مسلم لیگ ن ءِ 143 امیت وار  آنی گوما  دومی نمبر ءَ انت۔ پیپلز پارٹی ءِ  112 امیت وار آنی گوما سیمی نمبر ءَ انت۔ دومی نیمگ ءَ   مزن نامیں سیاسیت دان آنی سیاد ءُ وارس اے گچین کاری ءَ بھر زوری کنگ  ءَ انت۔  راولپنڈی  ءَ پیسریگیں سینیٹر چوہدری تنویر ءِ برات چنگیز خان چکلالہ ءِ وارڈ 4  ءَ چہ لیگی امیت انت۔ چوہدری تنویر  ءِ برات زتک چوہدری شہزاد احمد چکالہ ءِ وارڈ 5 ءَ  چہ   آزات امیت وار انت۔ پیسریگیں ایم این اے ملک ابرار ءِ بہنوئی ملک منیر راولپنڈی ءِ وارڈ 10 ءَ چہ لیگی امیت وار انت۔  ترجمان الیکشن کمیشن ءِ رد  ءَ ایمنی ءَ   را دل یکیمی  جوڑ کنگ ءِ واستہ پولنگ اسٹیشن ءِ  سر ءَ  پولیس  اوشتاتگ انت وھدیکہ پولنگ سٹیشن آنی سیم سر  ڈن رینجرز، ایس سی ھم ساڑی انت۔  پولنگ ءِ گڈ ءَ پریدازئیڈنگ اپسرگ  ووٹ  آناں ھساب کنگ ءَ پد  ریزلٹ  ءَ را  پولنگ سٹیشن ءَ جن انت۔