فیصل آباد۔12ستمبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ ملک ءَ جمہوریت ءَ را مھکم کنگ ءُ ساپ ءُ سلہ ایں گچین کاری ءِ واستہ گہتری ضلوری انت ھمے ھاترا تحریک انصاف ءِ حکومت ساپ ءُ سلہ ایں گچین کاری ءِ واستہ گہتری کار آنی بابت ءَ کار کنگ ءَ انت بلے ایشی ءِ مٹ ءَ اپوزیشن ءَ الیکٹرانک ووٹنگ مشین ءَ را چارگ ءَ بگیر رد کتگ چوشکہ اے مشین ٹھپہ مافیا ءَ چہ ھزار درجگ گہتر انت بلے چوش کہ گچین کاری ءِ واستہ گہتری کار آںی سر ءَ کمک نہ کنگ ءَ انت پدسا ھم آ مریم ، بلاول، شہباز ءَ چہ جست گپت کہ اگاں آوانی کرا ساپ ءُ سلہ ایں الیکشن ءِ واستہ ایشی ءَ ابید دگہ گیواری است گڈا آ بگوش انت، زیک آ وت الیکشن کمیشن ءِ ڈن ءَ جاک ءُ کوکار کنوک بوتگ انت، مرچی مئے سر ءَ ایراد گرگ ءَ انت۔ اے الیکشن کمیشن ءِ پریس ریلیز میڈیا ءَ را پیسر ءَ ءُ حکومت ءَ را رند ءَ دست کپ ایت، اے رنگیں گامگیج ءَ چہ الیکشن ءَ وتی کار رپک آنی سر ءَ جست ءُ پرس ءِ موہ داتگ ۔ ھمے ھاترا الیکشن کمیشن ءَ را لوٹ ایت کہ آ الیکٹرانک ووٹنگ مشین ءِ وسیلگ ءَ ساپ ءُ سلہ ایں گچین کاری کنائینگ ءِ واستہ وتی کرد ءَ پیلو بکنت۔
