اسلام آباد۔11ستمبر (اے پی پی): وزیر ءِ تہی کار شیخ رشید احمد ءَ گوشت کہ دو اوگان شہری ، زالبول آنی میت آناں بھارت ءَ چہ واہگہ بارڈر ءِ وسیلگ ءَ پاکستان ءَ آرگ ءِ اجازت دیگ بوتگ، میت آں ھوار پنچ سیاد ءُ وارس آناں مرچی واہگہ بارڈر ءِ وسیلگ ءَ پاکستان ءَ پج انت۔ شمبے ءِ روچ ءَ یک بیانے ءِ تہ ءَ وزیر ءِ تہی کار ءَ گوشت کہ میت آناں مرچی واہگہ بارڈر ءَ چہ طور خم بارڈر ءِ کشک ءَ اوگانستان ءَ برگ بیت، اوگان شہری آنی میت آناں اوگانستان ءَ کبر ءُ کسارت ءِ واستہ بنی آدم دوستی ءِ رد ءَ اجازت دیگ بوتگ۔ وزیر ءِ تہی کار ءَ گوشت کہ میت آنی گوما پنچ گس ءِ مردم آناں پاکستان ءَ آیگ ءِ اجازت دیگ بوتگ۔ آئی ءَ گوشت کہ پاکستان بنی آدم دوستی ءِ بنیات ءَ اوگان شہری ءُ ایندگر در ملکی آنی کمک ءَ جاڑی دار ایت۔
