اسلام آباد۔11ستمبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ اقوام متحدہ ءِ ایمنی منشن ءَ پاک فوج ءِ لانس نائیک عادل جان ءِ شہید بوھگ ءِ پد ءَ جھلانکیں ڈکھ ءُ اندوھ ءِ درشان کت۔ وتی بیان ءَ وزیر ءِ مملکت فرخ حبیب ءَ گوشت کہ پاکستان ایمنی ءَ چہ محبت کنوکیں ملک ات، میاں اوستمانی ایمنی ءُ برجائی ءِ واستہ انوگ ءَ تاں پاک فوج ءِ 161 ورنا شہید بوتگ انت۔ آئی ءَ گوشت کہ پاکستنا ءِ 22 کروڑ الس میاں اوستمانی ایمنی ءِ برجائی ءِ واستہ شہید بوھوکیں پاک فوج ءِ ورنا آناں سلام پیش کناں۔
