اسلام آباد۔11ستمبر (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ قائداعظم ءَ مسلمان آنی واستہ دو راجی لیکہ ءِ بنیات ءَ جہد ءُ کوشست کتگ، بابائے راج ءِ سروکی ءَ پاکستان وت مستریں ریاست ءِ جوڑ بوتگ ءُ سہرا بوتگ، اے درگت ءَ سرجمیں راج محمد علی جناح ءَ را توسیپ ءُ ستا پیش کنت، محمد علی جناح ءِ پرسنالٹی یک دروری کردے ءِ واھند ءِ بوتگ۔ آئی ءَ جمہوری ءُ انصاف ءِ رھبند آناں وتی کتگ۔ شمبے ءِ روچ ءَ قائداعظم محمد علی جناح ءِ بیران بوھگ ءِ روچ ءِ موہ ءَ وتی کلوہ َ وزیر ءِ مملکت فرخ حبیب ءَ گوشت کہ قائداعظم ءَ وکالت ءُ سیاست ءَ اوشتان ءَ وتی دامن ءَ را ساپ ءُ سلہ کتگ، آ مسلمان آنی زہنی جوڑیشت ءَ بن روتگ جوڑ بوتگ۔ آئی ءَ وتی سیاسی زندمان ءِ بنگیج جوانیں کد ءُ بالاد ءَ چہ کتگ۔
