اسلام آباد۔11ستمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ پاکستان تحریک انصاف ءِ حکومت آزاتی ءَ گو ں لیکہ ءِ درشانی ءِ بیاتی، جمہوری ءُ کانودی ھک ءِ سر ءَ سرجمی ءَ دل یکیمی دار ایت، میڈیا ڈویلپمنٹ اتھارٹی ءِ مسل آنی توامیں اسٹیک ہولڈرز آنی گوما وت مہ وتی تپاکی پیداک کنگ لوٹ ایت ڈیجیٹل میڈیا پلیٹ فارمز کجام ھم ریگولیٹری فریم ورک ءِ چیر دست نہ انت ڈیجیٹل ایڈوار ٹائزنگ لستیں سال آنی تہ ءَ 25 ارب کلدار ءَ پج اتگ پاکستان برطانیہ ءِ گوما دو نیمگی یکوئی آناں ھاسیں ارزشت دنت انت، امیت انت کہ برطانوی حکومت پاکستان ءِ ریڈ لسٹ ءَ ایر کنگ ءِ ھوالگ ءَ وتی پالیسی آنی سر ءَ چار ءُ بچار کنت۔ اے ھیالانی درشانی آئی ءَ گند ءُ نند ءِ واستہ اتکگیں پاکستان ءَ برطانیہ ءِ ہائی کمشنر کرسچن ٹرنر ءِ گوما تران کنان ءَ کت۔ بنجاھی وزیر اھوالکاری ءَ برطانوی ہائی کمشنر ءَ را پاکستان ءِ میڈیا ڈویلپمنٹ اتھارٹی ءِ بابت ءَ سر پد کت۔
