کراچی۔11ستمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اپوزیشن ھرچ الیکشن ءَ باج بہ بارت آ ساپ ءُ سلہ انت ءُ ھرچ الیکشن ءَ ھار وارت آئی بابت ءَ گوشیت کہ ایش دھاندلی بوتگ۔ کنٹونمنٹ بورڈ ءِ گچین کاری ءَ پی ٹی آئی ءَ باج برتگ ، مزن وزیر ءِ پنت ءُ شون ءِ پد ءَ عمر شریف ءِ ھال پرسی ءَ واستہ اتکگ آں۔ عمر شریف اسٹیج ءِ بادشاہ انت ءُ راج ءِ مڈی انت، حکومت عمر شریف ءِ علاج ءُ جان سلامتی ءِ واستہ ھمک رنگیں گامگیج کنت۔ شمبے ءِ روچ ءَ گورنر سندھ عمران اسماعیل ءِ ھمبراھی ءَ آغا خان ہسپتال ءَ نامداریں کامیڈین عمر شریف ءِ ھال پرسی ءَ چہ پد میڈیا ءَ گوں تران کنان ءَ آئی ءَ گوشت کہ عمر شریف سٹیج ِ بادشاہ انت ءُ راج ءِ مڈی انت۔ حکومت آئی علاج ءِ واستہ ھمک رنگیں گامگیج کنت۔
