اسلام آباد۔ 10ستمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ سوشل میڈیا غا فیک نیاز بھاز بھلو چیلنج اسے، میڈیا ڈویلپمنٹ اتھارٹی نا سلاہ ئی بل اٹ فیک نیوز و میڈیا ورکرآتا حق آن بیدس ہروڑنا ترمیم کن تیار اُن، حکومت میڈیا نا آجوئی آ پورو یخین تخک، پاکستان تحریک انصاف نا اسٹ انگا حکومت ءِ ہرامیڈیا ورکرآتا حق انا رکھ اکن گام ہرفے، پی ایم ڈی اے نا بارواٹ گڑتی تے مر کننگک، حکومت ءِ میڈیا ورکرآتون سلوئی مریک۔ داخیال آتا درشانی ءِ او راولپنڈی اسلام آباد یونین آف جرنلسٹس نا ڈل اتون اوڑدہی ٹی گپ وتران کرسا کرے۔ بنجائی وزیر حوالکاری پارے کہ داوخت آ میڈیا ءِ ڈیل کروک آ غٹ کانود آک ڈیجیٹل میڈیا نا انقلاب آن مست تیار مسر، پیمرانا کانود 2002ء ٹی ہمووخت آ جوڑ مس ہراتم ڈیجیٹل میڈیا الوکہ۔ اوپارے کہ ہفت ریگولیٹری باڈی میڈیا ادارہ غاتے چلیفنگ ءُ ہرافتے ٹی پیمرا، پریس کونسل آف پاکستان، پاکستان ٹیلی کام اتھارٹی، سینٹرل بورڈ آف فلمز سینسرز، پریس رجسٹرار آفس، آڈٹ بیورو آف سرکولیشن و امپلی منٹیشن ٹربیونل نیوز پیپرز ایمپلائز اوار ءُ۔ اوپارے کہ سوشل میڈیا غا فیک نیوز بھاز بھلو چیلنج اسے، دہشت گردی نا برخلاف جنگ اٹ ننا کم و ود 150ارب ڈالر نا زرگزرانی نسخان مس، نن 80ہزار جون تیان دوتے سلان، اوکان پد ہم نن ایف اے ٹی ایف نا گرے لسٹ اٹی اُن۔ اوپارے کہ میڈیا ڈویلپمنٹ اتھارٹی نا مجوزہ بل اٹ فیک نیوز و میڈیا ورکرآتا حق آن بیدس نن ہروڑنا ترمیم کن تیار اُن۔ اوپارے کہ پاکستان میڈیا ڈویلپمنٹ اتھارٹی نا جوڑ کننگ کن نن پنچ ملک آتا کانود ءِ اسٹڈی کرینن۔ چوہدری فواد حسین پارے کہ میڈیا ورکرآتیان فورسڈ لیبر آنبار کاریم کرفنگ انگ ءِ وخت اس کہ اوفتے کنٹریکٹ اسکان تفننگک۔ ڈی ایس این جی نا ڈیورو این ایل ایز تون تینا ویل آتا ایسری کن ہچ ءُ کسر اس اف، نن میڈیا ادارہ غاتے 75کروڑ روپئی نا زرتسن ولے اوکان پد ہم تینا ورکرآتا تنخواہ تے تفننگ ءُ۔ اوپارے کہ حکومت ءِ میڈیا ورکرآتون سلوئی مریک۔ بنجائی وزیر حوالکاری پارے کہ حکومت صحافی تا راجی آسراتی ءِ پک کننگ کن ہرممکن گام گیج کننگ ءِ۔ وزیراعظم ناپوسکن آ پاکستان ہاؤسنگ اٹ صحافی تے پلاٹ فراوان کننگ کن کوشست کننگ انگ ءِ۔ داوخت آ آر آئی یوجے نا ڈل بنجائی وزیر حوالکاری ءِ میڈیا ورکرآتا حق انا رکھ اکن گام گیج آتیا تینا پبی کمکاری نا باور کرفے۔ بنجائی وزیر حوالکاری ڈل انا ویل آتے خوڑتی اٹ بنگ و اوفتا ایسری نا باور کرفے۔ آر آئی یو جے نا ڈل اٹ صدر شکیل احمد، جنرل سیکرٹری صدیق انظر، نائب صدور منیبہ افتخار صدر ویمن جرنلسٹس پروٹیکشن فورم فرحت فاطمہ، رانا رضوان، عثمان خان، جوائنٹ سیکرٹریز اظہر شریف، عمرجٹ، شازیہ طاہر، فائنانس سیکرٹری ایاز اکبر، ایگزیکٹو باسک عثمان مغل، زبیر خان، ناصر عباس، عثمان ملک، سید یاسین ہاشمی اوار ئسر۔
