اسلام آباد۔ 10ستمبر (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسد عمر پارینے کہ مچ آ ملک اٹی کورونا ویکسی نیشن نا مہم ترندی اٹ برجاءِ دسمبر 2021اسکان 7کروڑ بندغ آتے ویکسین خلنگ نا ہدف ءِ مقرر کرینن ہرادے تخوک آ وخت آ دوئی کننگک۔ جمعہ نادے آ تینا ٹویٹ اٹی او پارے کہ ویکسی نیشن مہم نا بنائی دے تیان اینخو نا سال انا ایسر اسکان 7کروڑ بندغ آتے ویکسین خلنگ نا مشکل ہدف ءِ مقرر کننگانے۔ اوپارے کہ کنے بھاز خوشی محسوس مننگ ءِ کہ 5کروڑ پاکستانی تے کوویڈ۔ 19نااولیکو خور خلنگانے وخت اس کہ 2کروڑ آن زیات مخلوق ءِ پورو ویکسین ہم خلنگانے و انشاء اللہ نن داہدف ءِ پور و کینہ۔ بنجائی وزیر اسہ وار ولدا الس آن خواست کرے کہ او کورونا ایس او پی تیا عملدرآمد کیر و کورونا ویکسین خلفر و تینا ایب وکیب مخلوق ءِ ہم ویکسین خلفنگ نا پار۔
