اسلام آباد۔10ستمبر (اے پی پی):پاک فضائیہ کا سی ۔130 بالیگ کمکی سامان آنی دومی بار ءَ را زوران ءَ قندھار ءَ پج ات۔ بنی آدم دوستی ءِ رد ءَ کمکی سامان روان داتگ ایشانی تہ ءَ درمان، ایران ءُ وردن ءُ وراکی سامان ھوار انت۔ قندھار ائیر پورٹ ءِ سر ءَ یک مراگشے ءِ ساھت ءَ اے سامان گورنر قندھار ءِ سروک ءِ ھوالگ ءَ کنگ بوت انت۔ مراگش ءَ کمیونٹی ءِ سروک، چیمبر ز آف کارمرس، میڈیا ءُ ایندگر شرپ مند آں دیوان ءَ شریک اتنت۔ صدر چیمبرز آف چیمبرز آف کارمرس اینڈ انڈسٹریز قندھار چیمبر ءِ توامیں باسک آنی گوما ائیر پورٹ ءِ سر ءَ ساڑی اتنت۔ گورنر ءِ نماھندگ، چیمبر ءِ صدر ءُ ایندگر آں اے موہ ءِ سر ءَ ھیال آنی درشانی کنان ءَ کمک کنگ ءِ پد ءَ پاکستانی الس ءُ حکومت ءِ شگر ءُ منت واری گپت۔ آئی ءَ امیت سہرا کت کہ آیوکیں باندات ءَ ھم اے وڑیں کمک جاڑی بیت۔ پاکستان ءِ قونصل جنرل نعیم خان ءَ توامیں شرپ مند آنی شگر ءُ منت گپت ءُ آواناں سرپد کت کہ پاکستان اے سکیں ساھت ءَ اوگان اومان ءِ گوما ھمگام ءَ اوشتاتگ آئی ءَ گوشت کہ پاکستان ءُ اوگانستان ءِ دو نیمگی یکوئی آناں مھکمیں جوڑ کنگ ءِ واستہ سرجمی ءَ کمک کنگ ءِ پد ءَ دل یکیمی جوڑ کنگ بہ بیت۔
