راولپنڈی۔ 09ستمبر (اے پی پی) امریکہ نا سینٹرل انٹیلیجنس ایجنسی (سی آئی اے) نا ڈائریکٹر ولیم جوزف برنز چیف آف آرمی اسٹاف جنرل قمر جاوید باجوہ و ڈائریکٹر جنرل انٹر سروسز انٹیلیجنس (آئی ایس آئی) لیفٹیننٹ جنرل فیض حمید تون اوڑدہی کرینے۔ اوڑدہی ٹی تین پہ تینی است خواہی نا امور، علاقائی سلامتی و اوغانستان ناساڑی آ حالیت آتیا گپ وتران کننگا۔ پاک فوج انا شعبہ تعلقات عامہ نا رداٹ اوڑدہی ٹی داہیت انا درشانی ءِ کننگاکہ پاکستان تینا جہانی شریدار آتون ڈیہہ ٹی امن و اوغان الس نا سوگو و شونہال آخبت ءِ پک کننگ کن سنبرینگوک ءِ۔ امریکی عہدیدار اوغانستان نا حالیت بشمول سرسہب پیش تمنگ آپریشن و علاقائی سوگوی نا کوشست آتے ٹی پاکستان نا کڑد انا ستاءِ کرے۔ اوہرکہول آ پاکستان تون سفارتی کمکاری ٹی پین گچینی کن کڑد ادا کننگ نا عزم ظاہر کرے۔

متعلقہ مضامینمصنف کی طرف سے مزید