اسلام آباد۔ 09ستمبر (اے پی پی) پاک بحریہ نا مسہ ریئر ایڈمرل آتے وائس ایڈمرل نا عہدہ غا ترقی تننگانے۔ ترقی ملوک آتے ٹی وائس ایڈمرل عمران احمد، وائس ایڈمرل نوید اشرف و وائس ایڈمرل اویس احمد بلگرامی اوار ءُ۔ ترجمان پاک بحریہ نا رداٹ ہرمسٹ آآفیسر آک پاک بحریہ ٹی کمانڈ و اسٹاف نا چندی اہم زمواری تے سرتننگ نا بھلو آزموندہ اس تخرہ۔ وائس ایڈمرل عمران احمد ڈپٹی چیف آف نیول اسٹاف(میٹیریل)، کمانڈانٹ پاکستان نیوی انجینئرنگ کالج و ڈائریکٹر جنرل میری ٹائم ٹیکنالوجی کمپلیکس نا زمواری زمواری تے سرتسنے۔ اوداوخت آ ڈپٹی چیف آف نیول اسٹاف(پروجیکٹس) نا عہدہ غاتعینات ءِ۔ وائس ایڈمرل نوید اشرف کمانڈانٹ نیول سیکرٹری و ڈپٹی، (C41) پاکستان نیول اکیڈمی، ڈپٹی پریذیڈنٹ نیشنل ڈیفنس یونیورسٹی اسلام آباد، ڈائریکٹر جنرل چیف آف نیول اسٹاف(ایڈمن) نا زمواری تے سرتسنے۔ اوداوخت آ کمانڈر پاکستان فلیٹ نا عہدہ غاتعینات ءِ۔ وائس ایڈمرل اویس احمد بلگرامی کمانڈر پاکستان فلیٹ نا چیف اسٹاف آفیسر، چیف آف دی نیول اسٹاف نا پرنسپل سیکرٹری و ڈپٹی چیف آف نیول اسٹاف(آپریشنز) تون اوار اوار وزارت دفاع ٹی اہم زمواری سرتسنے۔ اوداوخت آ کمانڈر کراچی نا عہدہ غا تعینات ءِ۔
