کوئٹہ۔ 09ستمبر (اے پی پی) صوبائی الیکشن کمشنر بلوچستان عبدالرزاق پارینے کہ بلوچستان نا مسہ ضلع غاتے ٹی کنٹونمنٹ بورڈ انا گچین کاری تیکن پولنگ 12ستمبر آ مریک۔ الیکشن کمیشن گچین کاری تا غٹ تیاری تے پورو کرینے، کنٹونمنٹ بورڈ الیکشن کن کوئٹہ غان پنچ نشست آتیا 35، ژو ب انا 2نشست آتیا 7اومیتدار و لورالائی نا اسہ اومیتدار، بلامقابلہ گچین وخت اس کہ اسہ وارڈاکن پنچ اومیتدار مون پہ مون مریرہ۔ داخیال آتا درشانی ءِ او پنچ شنبے نادے آ پریس کانفرنس آن تران کرسا کرے۔ صوبائی الیکشن کمشنر عبدالرزاق پارے کہ کنٹونمنٹ بورڈ انا گچین کاری کوئٹہ، ژوب و لورالائی ٹی 12ستمبر آمریک۔ الیکشن تیٹی کوئٹہ ٹی 28945، ژوب آن 808و لورالائی آن اسہ ہزار 231ووٹر حق رائے دہی ءِ کاریم اٹ اتیرہ،کوئٹہ غان پنچ نشست آتیا 35وخت اس کہ ژوب انا 2نشست آتیا 7اومیتدار میدان اٹی ءُ، لورالائی نا اِر اوارڈ آن اسہ آزاد اومیتدار بے مقابلہ غان گچین مسنے، وخت اس کہ لورالائی نا اسہ نشست اسے آ داسہ پنچ اومیتدار مون پہ مون مریرہ، صوبائی الیکشن کمشنر عبدالرزاق مستی پارے کہ کنٹونمنٹ بورڈ انا گچین کاری تیٹی پاکستان تحریک انصاف، بلوچستان عوامی پارٹی، جمعیت علمائے اسلام، پیپلزپارٹی، مسلم لیگ ن و ایلو جماعت آتون اوار آزاد اومیتدار ہم میدان اٹی ءُ۔ اسہ سوج اسے نا ورندی ٹی اوپارے کہ کوئٹہ نا پنچ وارڈ اکن 31وخت اس کہ ژوب و لورالائی ٹی اِرا اِراپولنگ اسٹیشن جوڑ کننگانے و پولنگ نا بناسہب انا 8بجہ غان بناکرسا شام انا پنچ بجہ اسکان برجاسلک۔
