کوئٹہ۔ 09ستمبر (اے پی پی) جمعیت علماء اسلام نا مرکزی سیکرٹری جنرل و مسکوہی ڈپٹی چیئرمین سینیٹ سینیٹر مولانا عبدالغفور حیدری مسکوہی بنجائی وزیر و جمعیت علماء اسلام نا مرکزی راہشون مولانا امیر زمان نا کزیت آ است ہسونی نا درشانی ءِ کرینے۔ تینا ہڑزخواہی بیان اٹی سینیٹر مولانا عبدالغفور حیدری پارے کہ مولاناامیر زمان نا کزیت آن نن تینا اسہ نہادی و نظریاتی ءُ سنگت اسے آن محروم مسن، مولانا امیر زمان ہرحالیت اٹ جمعیت علماء اسلام نا کاز و مشن تون سوگوی اٹ سلیس۔ ایماندار نا فقیرانہ زند جماعت تون پکا تعلقداری و خوش مزاجی ءِ مدام یات تخنگک۔ اوپارے کہ ایماندار نا دینی، سیاسی و ملی خذمت آتے اللہ تعالیٰ تینا بارگاہ ٹی قبول کے۔ اونا خاہوت و پدسلوک آتون ہڑزخواہی کینہ و دعاکینہ کہ اللہ اودے جنت الفردوس اٹ جاگہ ایتے۔
