اسلام آباد۔8ستمبر (اے پی پی): وزیر ءِ درئی کار مخدوم شاہ محمود قریشی ءَ گوں امریکہ ءَ ڈیموکریٹک پارٹی ءِ کلانہ ایں سروک ڈاکٹر آصف محمود ءَ چار شمبے ءِ روچ ءَ وزارت ءِ درئی کار ءَ گند ءُ نند کت۔ گند ءُ نند ءِ ساھت ءَ وزیر ءِ درئی کار ءَ گوشت کہ کشمیر ءِ جیڈھ ءَ را میا ں اوستمانی تک ءَ سہرا کنگ ءُ بھارتی زوراکی ءَ را سہرا کنگ ءَ ڈن ملک ءَ نندوکیں پاکستانی آں ٹوھیں کرد ءِ پیلو کتگ، آئی ءَ گوشت کہ کرونا ھوپ ءِ ساھت ءَ امریکہ ءَ نندوکیں پاکستانی ڈاکٹرز، پیرا میڈیکس آں گران بھاےئیں ازمت پیلو کتگ انت۔ وزیر ءِ درئی کار ءَ جان سلامتی ءِ شوبگ ءَ ڈاکٹر آصف محمود ءِ ازمت آناں ساڑات۔ پاکستان ءَ پیسر ءَ نندوک ڈیموکریٹک سروک ڈاکٹر آصف محمود ءَ ٹوصیفی دانک آنی تہ ءَ وزیر ءِ درئی کار مخدوم شاہ محمود قریشی ءِ شگر ءُ منت واری گپ۔
