اسلام آباد۔8ستمبر (اے پی پی):وزیر ءِ مملکت اھوالکاری ءُ شنگ کاری فرخ حبیب ءَ مریم صفدر ءَ را گوشتگ کہ اگاں آ پھم ایت کہ آئی ءِ ھلاپ ءَ کیس دروگین انت گڈا آ زوت آمید گس ءَ ھمک روچ گوشداری ءِ دزبندی ءَ بکن انت۔ سئے سال ءَ چہ مریم سزا آنی ھلاپ ءَ وتی اپیل آنی مھتلی ءِ پشت ءَ چیر بوھگ ءَ انت۔ شریف فیملی ءِ لیکہ انت کہ کیساگری بوھگ ءَ بیت گڈا آ نادُراھ آنی پشت ءَ چیر بنت۔ سزا آنی ھلاپ ءَ اپیل آنی سر ءَ گوشداری ءَ مریم صفدر مھتلی ءِ واستہ نوکیں نوکیں بن گپ کار ایت۔ ھمے سبب ءَ اپیل آنی گوشداری مھتلی ءِ آماچ انت، نواز شریف ھم بھگوڑا جوڑ بوتگ ءُ لندن ءَ عیش ءِ زندمان گوازینگ ءَ انت۔ آئی ءَ گوشت کہ کیاسگری پڑ ءَ ایشاناں تچگ ءَ نئیل آں ءُ ایشاناں کانود ءِ پنچگ آں کاراں۔
