اسلام آباد۔ 08ستمبر (اے پی پی) اسپیکر قومی اسمبلی اسد قیصر پارینے کہ ملک اٹی خواندگی نا کچ اٹی ودکی کن الس اٹ شعور تالان کننگ نا گرج ءِ، دا بابت غٹ فریق آتے اواری اٹ کاریم کروئی مریک۔ چارشنبے نادے آ خواندگی نا جہانی دے انا وخت آ تینا کلہو اٹی او پارے کہ اسہ راج اس ہم خواندگی نا کچ اٹ ودکی کننگ آن بیدس شون ہلپک۔ ملک انا شونداری و شونہالی کن خواندگی نا کچ اٹ ودکی المی ءِ۔ ساڑی حکومت خواندگی نا کچ انا رداٹ ودکی کن اولیتی بنداوتیا گام گیج کننگ ءِ۔ اوپارے کہ ملک اٹ تعلیم نا مون آ دننگ و خواندگی نا کچ ءِ سد درسد اسکان اتنگ ساڑی حکومت نا ویژن ءِ۔ ملک اٹ خواندگی نا کچ اٹ ودکی کن الس اٹ شعور تالان کننگ نا گرج ءِ۔ ملک اٹ تعلیم ءِ عام کننگ کن غٹ اسٹیک ہولڈر آتے اواری اٹ کاریم کروئی مریک۔ اسپیکر قومی اسمبلی پارے کہ حکومت نا کنڈآن ملک اٹ اسہ وڑ تعلیمی نظام نا نافذ کننگ ستاکڑزک۔ اسہ وڑ تعلیمی نظام نا نافذ کننگ خواندگی نا کچ اٹی ودکی ٹی کمکار مریک۔ مستین اٹ خواندگی نا کچ اٹ ودکی آ چکار کننگتو۔ اوپارے کہ ساڑی آ حکومتی پالیسی تا سوب آن خواندگی نا کچ اٹ ودکی مریک و پاکستان نا شمار خواندگی نا کچ اٹ سرفہرست ملک آتے ٹی مریک۔
