اسلام آباد۔7ستمبر (اے پی پی): بنجاھی وزیر اھوالکاری ءُ شنگ کاری فواد حسین ءَ گوشت کہ مئے حکومت ءَ را لشوریں ءُ نالائقیں اپوزیشن ءِ رستگ، آوانی عادت انت کہ ھمک گامگیج ءَ را بے چک ءُ پد رد کنگ ، دوئیں گل آناں گچین کاری گہتری کار آنی تہ ءَ اچ واھگ نیست انت، آوانی سیاسی وتی ھلاپ ءَ آمید گس ءَ پیسلہ آنی مھتلی ءَ اوشتاتگ انت۔ پی ٹی آئی ایوکیں گل انت کہ گچین کاری گہتری کار آنی بابت ءَ کار کنگ ءَ انت، زرداری یا نواز شریف ءَ اچبر گچین کاری اگہتری کار ءِ ھوالگ ءَ گپ نہ کتگ، ن لیگ ءُ پیپلز پارٹی دوئیں گل دھاندلی ءَ چہ سروکی ءَ اتکگ انت، گچین کاری ساپ ءُ سلہ بنت گڈا اے وٹیں اچ سیاسی آیوکیں باندات نہ بیت، آئی ءَ گوشت کہ ما گہتری کار آنی وسیلگ ءَ ادارگ آناں سیت مند جوڑ کنگ ءَ آں۔ آئی ءَ گوشت کہ اسلام آباد ءَ گریب آں چہ زمین زرتگ انت ءُ پلیتگ انت، فلم انڈسٹری ءُ سینیما ءِ برجائی ءِ واستہ زوتیں گامگیج ءِ ضلورت انت۔ بنجاھی کابنینہ ءَ سردار علی خان ءَ را نوکیں آئی جی پنجاپ پوسٹ کنگ ءِ منظوری داتگ، بنجاھی کابینہ ءِ دیوان ءَ اسلام آباد ءَ زمین آنی در جنگ ءُ الاٹمنٹ ءِ جیڈھ ءَ را جھلی کمیٹی ءِ جوڑیشت، نیوزی لینڈ کرکٹ ٹیمب ءِ تر ءُ تاب پاکستان ءِ واستہ سیکورٹی پلان، نیشنل کونسل برائے طب ءِ باسک آنی پوسٹنگ، روز ویلٹ ہوٹل نیوریارک ءِ وام آنی دیگ ءِ واستہ فنڈز ، برآمدی چیز آنی تہ ءَ گیشی ءِ واستہ پورٹ چارجز آنی تہ ءَ 50 درسد کمی، این آئی آر سی ءَ چار باسک آنی پوسٹنگ ءِ منظوری دیگ بوتگ۔ برطانیہ ءِ نیمگ ءَ چہ پاکستان ءَ را ریڈلسٹ کنگ ءِ جیڈھ ءِ بابت ءَ کابینہ ءَ جیڈھ چار ءُ بچار ءُ باست ءُ واست کنگ بوت وھیدکہ کابینہ ءَ را گچین کاری گہتری کار ءُ ٹیکنالوجی ءِ کارمرزی ءِ ھوالگ ءَ دیمروئی آنی سر ءَ بریفنگ دیگ بوت۔ سئے شمبے ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ بنجاھی وزیر اھوالکاری ءَ گوشت کہ کابینہ ءِ دیوان ءَ مدامیگیں رنگ ءَ گچین کاری گہتری کار آنی سر ءَ گپ ءُ تران کنگ بوت۔ یک جستے ءِ پسو ءَ بنجاھی وزیر اھوالکاری ءَ گوشت کہ مئے گیشتریں سیاسی سروک آناں ٹیکنالوجی ءِ اے بی سی ءِ ھم سرپدی نیست انت، ھما گام آں چہ دگنیا مٹ بوھگ ءَ انت، اگاں ما شمارا گوں آواں ھمگام نہ کت گڈا تاوان مئے بیت۔ ھمے سبب ءَ گہتری کار آنی تہ ءَ ٹیکنالوجی ءِ کارمرزی المی انت۔ اگاں ایشرا کارمرز نہ کناں ، ٹیکنالوجی ءَ را میار آں گڈاس ما پیشت کپاں۔
