اسلام آباد۔7ستمبر (اے پی پی): وزیر ءِ تہی کار شیخ رشید احمد ءَ گوں جرمنی ءِ سفیر برن ہارڈ ءُ ہالینڈ ءِ سفیر و لم وائوٹر پلامپ ءَ سئے شمبے ءَ ادا گند ءُ نند کت۔ وزارت ءِ تہی کار ءِ نیمگ ءَ جاڑی بوتگیں بیان ءِ رد ءَ گند ءُ نند ءَ جتا جتائیں کار آنی سر ءَ گپ ءُ تران ءَ ابید دو نیمگی یکوئی آں ھوار وت مہ وتی واھگی کار آنی بابت ءَ ھیال ریچی کنگ بوت۔ دوئیں سفیر آں اوگانستان ءِ گیر ملکی ھاسیں رنگ ءَ یورپی نندوک آنی در کنگ ءَ پاکستنا ءِ کوشست آنی توسیپ کت ءُ ہالینڈ ءُ جنرمنی ءِ شہری ءُ آئی ءَ گوں سیادی داروکیں اوگان کارندہ آنی وھد ءُ موہ ءِ سر ءَ در کنگ ءِ پد ءَ شگر ءُ منت واری گپت۔ اے موہ ءَ گوں تران کنان ءَ وزیر ءِ تہی کار شیخ رشید احمد ءَ گوشت کہ ما اوگانستان ءَ مھکمیں ایمنی ءِ واھشت ایت آں، اوگانستان ءَ مھکمیں ایمنی پڑے دیمروئی ءُ دگنیا ءِ ایمنی ءِ واستہ المی انت۔
