اسلام آباد۔7ستمبر (اے پی پی): میاں اوستمانی بنک ءِ مزن تکی ڈل ءَ پی آئی اے کارگس ءِ تر ءُ تاب کت ءُ کابل ءَ چہ وتی کارندہ آنی در کنگ ءَ کمک کنگ ءِ پد ءَ پی آئی اے ءِ شگر ءُ منت واری گپت۔ راجی ائیر لائن ءِ ترجمان عبداللہ خان ءِ نیمگ ءَ جاڑی بوتگیں بیان ءِ رد ءَ میاں اوستمانی بنک ڈل ءِ سروکی ءَ ڈائریکٹر سٹریٹیجی کنگ ءَ ات وھدیکہ ایندگر باسک آں میاں اوستمانی بنک ءِ پاکستان ءُ اوگانستان ھوار اتنت۔ میاں اوستمانی بنک ءِ ڈل ءَ پی آئی اے چیف ایگزیکٹو اپسرگ ائیر مارشل (ر) ارشد ملک ءُ اوگانستان بالیگ آنی کارندہ آناں شیلڈز ھم پیش کت۔ سی ای او ارشد ملک ءَ میاں اوستمانی بنک ءِ نیمگ ءَ ازت ءُ شرپ کنگ ءِ پد ءَ آئی شگر ءُ منت کت ءُ گوشت کہ ما اوگانستان آپریشن کمرشل بنیات آنی سر ئَ ناں بنی آدم دوستی ءِ واستہ کتگ ۔ آئی ءَ گوشت کہ پی آئی اے ءِ روایت بوتگ کہ آ راجی جیڈح آنی رد ءَ کمک ءُ بنی آدم دوستی ءِ موہ آناں مدام پیسر بوتگ۔
