کابل۔6ستمبر (اے پی پی):طالبان ءِ ترجمان ذبیح اللہ مجاہد ءَ گوشت کہ کابل ءَ ایمنی برجا ءُ جاور گر ءُ دار بوھگ ءَ انت، حکومت ءِ جار زوت جنگ بیت، سی پیک منصوبگ ءَ ھوار بوھگ ءِ واھشت ایگ آں، کاسا گیس پائپ لائن منصوبگ ھم سرجمی ءِ سیم سر ءَ سر کنگ بیت۔ آئی ءَ دو شمبے ءَ کابل ءَ پریس کانفرنس ءِ ساھت ءَ گوشت کہ اوگان الس گیش جنگ نہ لوٹ انت، اوگان شہری آنی واستہ لس معافی ءِ جار جنگ ءَ پد اچ کس ءَ چہ بیر گرگ نہ بیت۔ آءی ءَ گوشت کہ ڈن ملکی ھاٹیگ مئے ملک ءَ را آبات کت نہ کناں، امریکا ءَ درکپگ ءَ چہ پیسر کابل ائیر پورٹ ءَ را باز تاوان رستگ بوتگ۔ آئیءَ گوشت کہ میاں اوستمانی برات اوگانستان ءِ جوڑیشت ءَ بھر زوری کنگ ءَ انت۔ مارات اسلامی اوگانستان ءَ نوں جنگ ءِ زمانگ ھلاس بوتگ، اوگانستان ءَ ہوائی فائرنگ ءِ سر ءَ سرجمیں بندش جنگ بوتگ ءُ ہوائی فائرنگ کنوکیں 80 مردم آناں دزگری کنگ بوتگ، کابل ائیر پورٹ ءِ سر ءَ ڈن ملکی بالیگ آنی یک رچ ءِ بندات کنگ بوتگ۔ وھدیکہ ڈن ملک ءَ بالیگ آنی روگ ءُ آیگ زوت بندات کنگ بیت، متحدہ عرب امارات ءُ ایندگر ملک آنی نیمگ ءَ کمکی سامان ءُ درمان روان دیگ ءُ آرگ جاڑی انت۔ اوگانستان ءَ تجارتی چست ءُ ایر بندات بوتگ انت وھدیکہ طالبان سیکورٹی فورسز آنی یونیفارم سہرا کنگ بوتگ۔ آءی ءَ گوشت کہ پاکستان ءَ را ھما جیڈھ آنی سر ءَ بُکگ بوتگ ایشاناں زوت گیوار کنگ بیت۔ ھمساھگیں ملک ءِ درگت ءَ پاکستان ءِ بُکگ راست انت۔ آئی ءَ گوشت کہ اوگانستان ءِ سر ڈگار پاکستان سرڈگار ءِ ھلاپ ءَ کارمرز نہ بیت۔
