اسلام آباد۔ 07ستمبر (اے پی پی) چین پاکستان اقتصادی راہداری (ڈٹ) انا رداٹ اینخو نا سال 2021پاک چین شریداری ءِ پین مون آ دننگک و ہڑتوم آ کنڈآتا کمکاری نا مزل نا نشان طے مریک، ارٹ میکو ریسہ السی راجی آسراتی تون تعلق تخک ہراٹی 27ڈٹ آتیا کاریم کننگ انگ ءِ۔ سی پیک اتھارٹی نا کمامدارآتارداٹ بروک آ ریسہ نا رداٹ چار اہم بشخ آتے ٹی پیش رفت کننگک ہرافتے ٹی اولیکو بشخ صنعت تون تعلق تخک وخت اس کہ ایلو بشخ آتے ٹی کشت وکشار، زرگزرانی بشخ انا شونداری و سائنس و ٹیکنالوجی اوار ءُ۔ پاک چین سٹریٹجک شریداری دے پہ دے سوگوی نا کنڈآ ہِننگ ءِ و داہم اسہ حقیقت اسے کہ دا شریداری جہانی و مچ آ ڈیہہ ٹی بے کچ اہمیت تخک وخت اس کہ دا آخبت اٹ پین سوگو مریک۔ اوفک تا مستی پاننگ ئس کہ چینی صدر شی جن پنگ نا ہڑتوم آ کنڈآتا سنگتی ءِ پین سوگو کننگ نا بابت عزم بے کچ ستاکڑزک۔
