اسلام آباد۔6ستمبر (اے پی پی):صدر مملکت ڈاکٹر عارف علوی ءَ صنعت ءُ یونیورسٹی آنی نیام ءَ روگ ءُ ایگ ءِ سر ءَ زور پر دیان ءَ گوشت کہ انجینئرنگ یونیورسٹی آناں جوانیں ءُ نوکیں مارکیٹ ءِ ضلورت ءِ رد ءَ وانگ ءُ زانگ ءِ پجاری ءِ سر ءَ دلگوشی دیگ لوٹ ایت تانکہ ملک ءَ جتا جتائیں شوبگ آنی تہ ءَ دیمروئی کت بکن انت۔ انجینئرنگ ءِ شوبگ ءَ اسپیشلیں مردم آنی واستہ داخلہ ءُ مزوری ءِ موہ پیداک کنگ ءِ ضلورت انت۔ اے ھیالانی درشانی آئی ءَ دو شمبے ءِ روچ ءَ انجینئرنگ کونسل ءِ نوک گچین بوتگیں گورننگ باڈی ءِ بنگیجی مراگش ءَ گوں گشتانک دیان ءَ کت۔ صدر ءِ مملکت ڈاکٹر عارف علوی ءَ گوشت کہ انجینئرنگ ھما کزب انت کہ راج ءِ جوڑیشت ءَ کنت۔ انجینئر آنی ازمت مدام برجا مان ایت۔ آئی ءَ گوشت کہ انجینئر آنی ازمت ءُ کار سیویلائزیشن ءِ پجار بیت، آئی ءَ گوشت کہ پاکستانی انجینئر آں سرجمیں دگنیا ءَ ملک ءِ نام سہرا کتگ۔ آئی ءَ گوشت کہ دیمپانی ءُ کنسٹرکشن ءَ ھوار جتا جتائیں شوبگ آنی تہ ءَ ازمت کنگ ءَ انت۔
