نتھیا گلی۔6ستمبر (اے پی پی): مزن وزیر عمران خان ءَ درملک ءَ نشتگیں پاکستانی آنی سرءَ زور پِر داتگ کہ آ پاکستان ءَ زرکاری بہ کن اَنت، اے پڑءَدرائیں جیڑہ ء ُجنجال ہلاس کنگ بنت، مئے حکومت سسٹم ءَ را شرکنگ ءُ قانودءِ مزنی ءِ جنگ ءَ کنگ ءَ اِنت، کرپٹیں مردم مارا ایرجنگ ءَ اَنت، زرکاری ءُ معیشت ءِجاورھالانی تہا جوانی پیداک اِنت، تنا سیئل ء ُ سواد ءِ وسیلگ ءَ پاکستان وتی درملکی واماں دات کنت۔ اے ھیالانی درشانی آئی ءَ نتھیا گلیءَ میاں اوستمانی ہوٹل ءِ بُن اِشت ایر کت ءُ تران کنان ءَ کتگ۔ اے موہ ءَ زرکاری ءِ بنجاہی وزیر ءُ دمگ ءِ بازیں مزنیں مردمے ہوار بوتگ۔ مزن وزیر ءَ گشتگ کہ کرکٹ ء ُ شوکت خانم ءِ ھاترءَ چندہ جم کنگ ء ُ ایشی ءَ پدسیاست ءِ تہا بوہگ ءِ سوب ءَ ڈن ءَ نشتگیں پاکستانی آنی گوما مئے نزیکی بوتگ ءُ ما آیاناں جوانی ءَ سرپد بنت۔ ڈنی ملکی پاکستانی ملک ءِ میراث اَنت۔ آئی ءَ گشتگ کہ پاکستان ءِ درستاں چہ مستریں ضلورت دولت ءِ تہا گیشی کنگ اِنت چیا کہ دولت ءِ تہا گیشی کنگ ءَ چہ ملازمت ءِ موہ گیش بنت ء ُ ٹیکس گیش دیئگ بیت ء ُ ما وامانی دیئگ ءِ قابل بنت۔
