مئے امن ءُ ایمنی ءِ وائشت ءَ را مئے نیزوری لیکگ مابیت، 6 ستمبر وتی بہادر، شہیدءُ غازیاناں داد ء ُ سلام پیش کنگ ءِ روچ اِنت، راج ءَ را وتی شہیدآنی سرءَ دائم ءَ پھر اِنت، مزن وزیر عمران خان

اسلام آباد۔6ستمبر  (اے پی پی):عمران  خان ءَ گشتگ کہ 6 ستمبر ءِ اے رو چ وتی بہادر، شہید ءُ غازیاناں داد ءُ سلام پیش کنگ ءِ روچ اِنت، راج ءَ را وتی شہیدآنی سرءَ پھر اِنت کہ آیاں ماتیں وطن ءِھاترءَ وتی جان ندرکتگ اَنت، بھارت  پاکستان ءُ دمگ ءِ امن ء ُایمنی ءَ را تباہ کنگ ءِ کوشست ءَ کنگ ءَ اِنت، ہندوستان ءَ اقلیت ء ُمقبوضہ کشمیرءِ تہا مسلم آنی سرءَ زُلم ء ُناحقی  کنگ بوہگ ءَ اِنت، مئے امنء ُ ایمنیءِ وائشت ءَرا مئے نیزوری لیکگ مابیت۔ اے ھیالانی درشانی آئی ءَ دیمپانی ءِ روچءِ درگت ءَ وتی کلوہ ءِتہا کتگ۔ آئی ءَ گشتگ کہ 1965ء ءَ وہدے دژمن ءَ مئے آجوہی ءُ بستار ءَ لگت مال کنگ ءِ کوشست کت گڑا راج ءَ چو کوہ ءِ وڑءَ آئی ءِ دیمپانی کت۔  6 ستمبر ءَ ہندوستان ءَ پاکستان ءِسرءَ  اُرش کت گڑا سرجمیں راج پہ ماتیں وطن ءِرکینگ ءِ ھاترءَ پاد اَتکگ، بازیں مردماں پہادگ ءَ سیمسرانی نیمگ ءَ سفر کُت۔ راجی وت مہ وتی ءُ محکمی ءَ مئے بہادریں سلاہ بندیں فوج ءِ جوش ءُ جزبگ ءَ گیش کت   ءُ آ گوں دژمناں دیم پہ دیم بوتاں ءُ سوبمند بوتاں کہ ایشی ءِ درور نیست۔