اسلام آباد۔5ستمبر (اے پی پی): مزن وزیر عمران خان ءَ مستونک روڈ کوئٹہ ءَ ایف سی ءِ چیک پوسٹ ءِ سر ءَ ناشرکار یں گروپ ٹی ٹی پی ءِ وت کشیں ارش ءَ را مذمت کتگ ءُ گوشتگ کہ ناشرکار گیر ملکی ھاٹیگ آنی پشت ءُ پناہی ءَ چہ اے لگوریں کار آناں کنگ ءَ انت، آ اچبر کامیات نہ بنت، آئی ءَ سیکورٹی فورسز آناں توسیپ ءُ ستا پیش کت۔ یک شمبے ءِ روچ ءَ وتی ٹویٹ ءَ مزن وزیر عمران خان ءَ مستونگ روڈ کوئٹہ ءَ ایف سی ءِ چیک پوسٹ ءِ سر ءَ وت کشیں تراک ءَ را مذمت کت۔ مزن وزیر ءَ شہید آنی گس ءِ مردم آں گوں دلپدردی ءِ درشان کت ءُ ٹپیگ آنی زوت جان سلاتی ءِ واستہ دعا ءُ نیک کت۔ آئی ءَ سیکورٹی فورس ءِ ورنا آناں توسیپ ءُ ستا پیش کت۔
