اسلام آباد۔5ستمبر (اے پی پی): مزن وزیر عمران خان ءَ گوشت کہ بھارتی فورسزآنی نیمگ ءَ سید علی گیلانی ھدا مرزی ءِ گس ءِ مردم آنی ھلاپ ءَ کیس ءِ درج کنگ سکیں سلیں گامگیج ات، یک شمبے ءِ روچ ءَ وتی یک ٹویٹے ءِ تہ ءَ مزن وزیر عمران خان ءَ گوشت کہ اولی 92 سالی سید علی گیلانی پیرتیں کشمیری سروک ءِ بوتگ آئی ءِ لاش ءَ را چہ گس ءِ مردم آں چہ پچ گرگ ءُ آئی گس ءِ مردم آنی ھلاپ ءَ کیس ءِ درج کنگ یک ناروائیں گپ ات۔ مزن وزیر ءَ وتی ٹویٹ ءِ گوما بھارتی ھال رسانکی تاک ٹائمز آف انڈیا ءِ ھال ھم شیئر کت۔ ھال ءِ رد ءَ گیر کانودی رنگ ءَ بھارت ءِ چیر دستیں مقبوضہ کشمیر ءِ پولیس ءَ سید علی گیلانی ءِ کبر ءُ کسارت ءِ موہ ء۔ بھارت ءِ ھلاپ ءَ نہردگ جنگ ءُ ھدا مرزی ءِ لاش ءَ را پاکستان ءِ بیرک ءَ را پتائگ ءِ پد ءَ سید علی گیلانی ءِ گس ءِ مردم ءُ ایندگر بازیں مردم آنی ھلاپ ءَ بڈگام، پولیس سٹیشن ءَ ایف آئی آر درج کنگ بوتگ۔
