کوئٹہ۔5ستمبر (اے پی پی): سر وزیر بلوچستان جام کمال خان ءَ یوم ءِ دیمپانی ءِ موہ ءَ راج ءِ نام ءَ وتی کلوہ ءَ گوشت کہ پاکستان ءِ جوانیں راج دپتر 6 ستمبر ءِ روچ مئے دلیریں ارد ءِ مزن جگری ءُ قربانی ءِ بے دروریں چیدگ ءِ رد ءَ برجم دار ایت۔ یوم ءِ دیمپانی پاکستان پاکستانی ارد ءُ راج ءِ جوزگ ءُ دلیری ءِ یات ءَ گیج ایت۔ مرچی سرجمیں راج وطن ءِ دیمپانی ءِ واستہ جان آنی قربانی ءَ پیش کنوکیں شہید آناں سلام پیش کنت۔ سر وزیر ءَ گوشت کہ 56 سال ءَ پیسر اے روچ مئے پاک ارد ءِ اپسرگ، سپاھیگ، بحریہ ءِ ورنا ءُ فضائیہ ءِ شاہین آں شرپ مندیں پاکستانی راج ءِ گوما ھمکوپگ اوشتاتگ انت ءُ سہرا کتگ کہ ھمک رنگ ءَ ماتیں وطن ءِ پاسبانی ءَ ھمک ساھت ءَ کترہ تیار باں۔ آئی ءَ گیش گوشت کہ مئے ازلی دژمن مرچی ھم مئے ھلاپ ءَ جزمیگ انت۔ آئی ءَ گوشت کہ مئے ارد ھمک رنگیں جنگی پسو دیگ ءِ ازم ءَ دار ایت۔ سر وزیر جام کمال خان ءَگ وشت کہ ناں ایوک ءَ پاک فضائیہ ءِ ورنا آں 1965 ءَ دژمن آںی گوما گر ءُ چیل بوتگ آواں یک راج دپتر ءِ نکش کتگ ءُ ملک ءُ راج ءِ نام راجدپتر ءَ برز ءُ بلند کتگ۔ 27 فروری 2019 ءَ پاک فضائیہ ءِ شاہین آں بھارت ءِ دو جنگی جہاز آناں جتگ ءُ دور داتگ ءُ راج ءَ را پھرایگ کتگ۔
