اسلام آباد۔5ستمبر (اے پی پی): مزن وزیر عمران خان ءَ گوشت کہ ایمنیں ءُ برجمیں اوگانستان پاکستان ءُ پڑ ءِ سیت ءِ واستہ انت، اوگانستان ءِ یک گتوھیں سیاسی گیواری ادے مردم آنی ھک آنی رکھینگ ءِ واستہ جوانیں کشک ات۔ میاں اوستمانی برات اوگان الس ءِ معاشی کمک ءُ نوک سر جوڑیشت ءَ کرد ءِ پیلو کنت۔ یک شمبے ءِ روچ ءَ مزن وزیر عمران خان ءَ گوں ابوظہبی ءِ ولی زمانگ ءُ متحدہ عرب امارات ءِ سلاھ بندیں ارد ءِ ڈپٹی سپریم کمانڈر محمد بن زید ءَ ٹیلی فون ءِ سر ءَ تران کت۔ اے ساھت ءَ دوئیں سروک آں وت مہ وتی کار آں ھوار دمگی دیمروئی کار ھاسیں رنگ ءَ اوگانستان ءِ تاجگیں جاور ھال آنی سر ءَ ھیال ریچی کت۔ مزن وزیر ءَ اے موہ ءِ سر ءَ متحدہ عرب امارات ءِ گوما وتی مھکمیں براتی یکوئی ءُ دوئیں ملک آنی نیام ءَ نزیکیں کمک آنی ارزشت ءِ دارگ ءِ درشان کت۔ اوگانستان ءِ تاجگیں جاور ھال آنی رد ءَ مزن وزیر ءَ زور پر دات کہ ایمن ءُ برجمیں اوگانستان پاکستان ءُ ُڑ ءِ دراج بریں سیت ءِ واستہ انت۔ اوگانستان ءِ الس آنی ھک آنی رکھینگ ءِ گوما سلامتی ءُ رکھینگ ءَ را دل یکیمی جوڑ کنگ ءِ واستہ دیم ءَ جنزگ ءِ جوانیں کشک ات۔ مزن وزیر عمران خان ءَ میان اوستمانی برات آنی سر ءَ زور پر داست کہ آ اوگان الس ءِ معاشی کمک کنگ ءُ ملک ءِ دیمروئی پڑ ءَ کمک بکنت۔ آواں وت مہ وت کمک کنگ ءِ ھوالگ ءَ تپاک کت۔
