راولپنڈی ۔4ستمبر (اے پی پی):پاک فوج ءِ سروک جنرل قمر جاوید باجوہ ءَ دل یکیمی کت کہ پاک فوج کشمیر کاز ءِ واستہ کشمیری الس آنی سر جمیں کمک ءَ جاڑی دار ایت۔ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ شمبے ءِ روچ ءَ چیف آف آرمی سٹاف جنرل قمر جاوید باجوہ ءَ آزات کشمیر ءِ مزن وزیر سردار عبدالقیوم نیازی ءَ را جنرل ھیڈ کوارٹر راولپنڈی ءَ گند ءُ نند کت۔ گند ءُ نند ءِ ساھت ءَ گیر ناکودی آوار جتگیں جموں کشمیر ءَ بھارت ءِ نہ وشیں گامگیج ءَ ھوار مقبوضہ کشمیر ءِ دمگ ءُ کنٹرول لائن ءِ جاور ھال آنی سر ءَ باست ءُ واست کت انت۔ پاک فوج ءِ سروک ءَ کشمیری الس آنی وت واجئی ھک ءِ واستہ تاریخی ءُ بے در وریں جہد ءُ کوشست آنی پد ءَ سید علی گیلانی ءَ را توسیپ ءُ ستا پیش کت۔ جنرل قمر جاوید باجوہ ءَ آزات جموں کشمیر ءِ مزن وزیر ءَ را نوکٰں زمہ واری ءِ گرگ ءِ پد ءَ مبارک بات دات ءُ کشمیر ءِ وشھالی ءِ واستہ نیکیں واھشت آنی درشان کت۔ مزن وزیر آزات کشمیر ءَ آزات جموں کشمیر ءَ سیکورٹی ءُ دیمروئی ءِ ھوالگ ءَ پاک فوج ءِ کرد ءَ را ساڑات۔
