اسلام آباد۔4ستمبر (اے پی پی):طالبان ءَ گوشت کہ اوگانستان ءَ نوکیں حکومت ءِ جوڑیشت زوت بیت۔ طالبان ءِ ترجمان ءَ پی ٹی وی ءَ را گوشت کہ ملک ءَ نوکیں حکومت ءِ جوڑیشت زوت بیت ءُ اے ھوالگ ءَ جار زوت جناں، نوکیں حکومت ءِ سرجمیں ھال زوت دیم ءَ سہرا کناں۔ آئی ءَ گوشت کہ حکومت ءِ جوڑیشت ءَ اچ مھتلی نہ بوتگ۔ طالبان ءَ گوستگیں آدینگ ءِ روچ ءَ نوکیں حکومت ءِ ھولگ ءَ اچ رمس ءِ جار نہ جتگ ءُ اے ھوالگ ءَ میڈیا ءَ رپوٹ وت سرئین انت۔ ترجمان ءَ گوشت کہ تاریخ یا وھد ءِ جار نہ پیسر ءَ جنگ بوتگ نہ انوگ ءَ اچ وھد گیشینگ نہ بوتگ، پمشکہ پکوئیں وھد ءُ پاس گوشگ بوت نہ کنت۔ ایشی ءَ ابید ترجمان بلال کریمی ءَ گوشت کہ گوریچانی اوگانستان ءَ پنج شیر ءِ رو دراتکی دمگ نوں طالبان ءِ کنٹرول ءَ انت۔ آئی ءَ گوشت کہ طالبان ءَ درستاں چہ مستریں ضلع پریان ءَ ایمنی برجا ءُ مھکم داشتگ ءُ وتاس آنی مزنیں کساس ءِ طالبان آنی کبزہ انت۔ آئی ءَ گوشت کہ ھلاپ کنوک ٹوھیں تاوان آنی آماچ انت ءُ طالبان محفوظ انت۔
