مزن وزیر ءِ پنت ءُ شون ءِ رد ءَ جان سلامتی انصاف کارڈ ءِ ھوالگ ءَ شہری آنی جیڈھ پاکستان سیٹیزن پورٹل ءَ گوں بندوک انت
اسلام آباد۔4ستمبر (اے پی پی): مزن وزیر عمران خان ءَ جان سلامتی کارڈ ءِ نظام ءِ تہ ءَ گیش گہتری آرگ ءِ واستہ جان سلامتی انصاف کارڈ ءِ ھوالگ ءَ شہری آنی جیڈھ آناں پاکستان سیٹیزن پورٹل ءَ گوں بندوک کنگ بوتگ ءُ مزن وزیر ءِ پنت ءُ شونگ ءِ پد ءَ سیٹیزن پورٹل ءِ سر ءَ جان سلامتی کارڈ ءِ نام ءَ ھاسیں کیٹگری الاٹ کنگ بوتگ۔ مزن وزیر کارگس ءِ نیمگ ءَ جاڑی بوتگیں سرجمیں ھال آنی رد ءَ جان سلامتی انصاف کارڈ ءِ نظام ءِ تہ ءَ گیش گہتری آرگ ءِ واستہ مزن وزیر عمران خان پنت ءُ شون ءِ پد ءَ مزن وزیر ڈلیوری یونٹ ءِ سر ءُ سوج جاڑی کتگ انت۔ اسپتال آنی تہ ءَ علاج ءَ چہ انکار، آسراتی ءِ نہ بوھگ، کارندہ آنی رویہ ءِ ھوالگ ءَ یک شلیں شکاست پاکستان سیٹیزن پورٹل ءِ سر ءَ کنگ بوت کنت۔ علاج ءَ اتکگیں ھرچ ءُ درچ ءِ ھال ءُ اھوال، علاج ءِ مھتلی ءُ غلط علاج ءِ بابت ءَ شہری شکاست کت کناں۔ مزن وزیر کارگس ء، ءِ رد ءَ جان سلامتی انصاف کارڈ ءِ پینل ءَ ھوریں اسپتال آنی جیڈھ آنی بابت ءَ شکاست ھم درج کنائینگ بوت کنت۔ شکاست آنی زوتیں گیواری ءِ واستہ اسٹیٹ لائف ءِ کارندہ ءُ اپسرگ آناں ھاسیں ڈیش بورڈ ھم الاٹ کنگ بوتگ۔ چیئرمین اسٹیٹ لائف شہری آنی شکاست آناں زوت گیواری ءَ دل یکیمی جوڑ کنت۔
