اسلام آباد۔ 03ستمبر (اے پی پی) وزیراعظم نا خصوصی کمکار بین المذاہب ہم آہنگی و دے ٹک نیامی امور و پاکستان علماء کونسل نا چیئرمین حافظ محمد طاہر محمود اشرفی پارینے کہ پاکستان اٹ کانود ساڑی ءِ، کس اسے دا حق اف نئے تننگ مریک کہ او کس اسے نا خون ءِ کے، شاہکوٹ ننکانہ ٹی اسہ قادیانی اسے نا خون مذمت نا قابل و است ہسونی نا قابل مننگ تون اسلامی تعلیمات آتا ہم برخلاف ءِ۔ ڈوہدار تے انشاء اللہ دمدستی دزگیر کننگک۔ راجی رابطہ نا ویب سائٹ ٹویٹر آ تینا اسہ ٹویٹ اسے ٹی حافظ محمد طاہر محمود اشرفی پارے کہ ننکانہ شاہکوٹ اٹی اسہ قادیانی اسے نادرست بندغ آک کسفینو۔ داوڑنا ڈوہ و کاریم ناقابل قبول و قابل مذمت ءِ، ہندی پولیس و انتظامیہ ءِ ڈوہدار تا دزگیری نا پارت کرینن و انشاء اللہ داچرجوئی ٹی ہچ ءُ ڈیوالئی اس کننگ کن ہلنگ پننگک۔
