اسلام آباد۔ 03ستمبر (اے پی پی) صدر مملکت ڈاکٹر عارف علوی بزرگ حریت راہشون سید علی گیلانی نا غائبانہ نماز جنازہ ٹی بشخ ہلک۔ نماز جنازہ ءِ جمعہ نادے آ داڑے فیصل مسجد اٹ خواننگا۔ بنجائی وزیر حوالکاری و شینکاری فواد حسین و وزیراعظم نا سلاہکار قومی سلامتی معید یوسف تون اوار بڑزکو حکومتی شخصیت آتیان بیدس لس مخلوق ہم نماز جنازہ ٹی بھلو کچ اسے ٹی ساڑی ئسر۔ داوخت آ تحریک آزادی کشمیرنا حریت راہشون سید علی گیلانی نا درجہ غاتا بڑزی تون اوار اوار کشمیری الس نا بھارت نا غیر کانودی دزگیری آن آجوئی و پاکستان نا سلامتی کن ہم خصوصی دعا کننگا۔

متعلقہ مضامینمصنف کی طرف سے مزید