اسلام آباد۔3ستمبر (اے پی پی):صدر مملکت ڈاکٹر عارف علوی ءَ آیوکیں گچین کاری ءَ را ساپ ءُ سلہ ، مھکم ءُ در ابید جوڑ کنگ ءِ واستہ گچین کاری کار آنی توامیں بھر آنی تہ ءَ گہتری آران ءَ یک ٹوھیں کار رپک ءِ وتی کنگ ءِ ضلورت ءِ سر ءَ زور پر داتگ ءُ گوشتگ کہ توامیں سیاسی گل ءُ ایندگر سیادی داروکیں سٹیک ہولڈرز آنی راجی زمہ واری انت کہ آ ملک ءَ گچین کاری نظام ءَ را مھکم جوڑ کنگ ءِ واستہ یک مشتی ءَ کوشست بکن انت۔ آئی ءَ گوشت کہ آئی ووٹنگ ءِ کار رپک ءِ وسیلگ ءَ گچین کاری ءَ ڈن ملک ءَ نندوکیں پاکستنای آنی ھواری ءَ را دل یکیمی جوڑ کنگ ءِ کوشست ءَ را ترند کنگ ءِ پد ءَ زور پر داتگ کہ آ وتی ووٹ ءِ ھک ءَ کارمرز بکن انت۔ آ آدینگ ءِ روچ ءَ ایوان ءِ صدر ءَ گچین کاری گہتری کار ءِ ھوالگ ءَ دیوان ءِ سروکی ءَ کنان ءَ کت۔ اے ساھت ءَ بنجاھی وزیر اھوالکاری ءُ شنگ کاری چوہدری فواد حسین ، بنجاھی وزیر سائنس ءُ ٹیکنالوجی سینیٹر سید شبلی فراز، بنجاھی وزیر ریلوے سینیٹر اعظم خان سواتی، مزن وزیر ءِ مشیر ظہیر الدین بابر اعوان ءُ سرور باری ءَ دیوان ءَ بھر زوری کت۔
