اسلام آباد۔3ستمبر (اے پی پی):اوگانستان ءَ مھکمیں ایمنی ءُ برجائی ءِ واستہ طالبان ءَ را حکومت ءِ جوڑیشت ءُ نظام ءَ را سہرا کنگ ءِ موہ پجاری کنگ لوٹ ایت تانکہ ملک ءَ جوڑیشت ءُ برجائی ءِ کار مھکمیں بنیات ءَ بندات کنگ بہ بیت، اوگانستان ءِ ھمساھگیں ملک آناں ملک ءِ جوڑیشت ءَ وتی کرد ءَ را پیلو کنگ ءِ ضلورت انت، آسراتی آں چہ سیت چست کنگ ءُ میاں اوستمانی تجارت ءِ واستہ اوگانستان ءَ ٹیکس ، بینکنگ ءُ تجارت ءَ را مھکم کنگ ءِ ضلورت انت۔ بھارت ءُ بازیں ھاٹیگ اوگانستان ءِ رچ ءَ را یک شل ءَ دارگ لوٹ ایت، اوگان آناں ساپ ءُ سلہ ئی ءَ گوں گام ایر کنگ لوٹ ایت۔ اے ھیالانی درشانی آئی ءَ پاک اوگان یوتھ فورم ءِ چیر دستی ءَ ” اوگانستان ءِ یکجائی ءَ نوک سر جوڑیشت” ءِ بن گپ ءِ رد ءَ برجم داشتگیں کانفرنس ءَ گشتانکار آں گشتانک ءِ ساھت ءَ کت۔ کانفرنس ءِ بنگیجی سیشن ءَ گشتانک دیان ء۔ انسٹی ٹویٹ آف ریجنل سٹڈیز ءِ صدر ندیم ریاض ءَ گوشت کہ پاکستان ُ اوگانستان ءِ نیام ءَ تاریخی نیک راھی، دود ءُ ربیدگی ءُ سر ڈگاری سیادی است انت، اوگانستان ء، گوما گہتریں یکوئی پاکستان ءِ درئی پالیشی ءِ ارزشتی ایں بھر ات۔ اوگانستان ھما جاور آنی تہ ءَ گوزگ ءَ انت امیت انت کہ گہتریں نتیجگ دیم ءَ سہرا بیت۔ آئی ءَ گوشت کہ دوئیں ملک آںی نیام ءَ یکوئی کار رپک باز کم انت، ایمریکی ارد آنی در کپگ ءِ جیڈھ آنی گوما موہ ھم پجاری کتگ ایشانی تہ ءَ سیت ءِ ضلورت انت پدا ھم جاور ھال آنی ھراب کنوک ھم ساڑی انت آواناں تیار بوھگ لوٹ ایت۔
