اسلام آباد۔3ستمبر (اے پی پی):پاکستان ءُ برطانیہ ءِ وزیر ءِ درئی کار ءَ دو نیگمی یکوئی ءُ وت مہ وتی جتا جتائیں شوبگ آنی تہ ءَ کمک آنی ھوالگ ءَ تپاک کتگ۔ آدینگ ءِ روچ ءَ وزیر ءِ درئی کار مخدوم شاہ محمود قریشی ءُ برطانوی وزیر ءِ درئی کار ڈوینک راب ءِ نیام ءَ وزارت ءِ درئی کار ءَ ڈلی تک ءَ سول ءُ تران کنگ بوت۔ سول ءُ تران ءَ ھاسیں نماھندگ برائے اوگانستان ایمبیسیڈر محمد صادق، سیکرٹری درئی کار سہیل محمود، سپیشل سیکرٹری درئی کار رضا بشیر تارڑ ءُ وزارت ءِ درئی کار ءِ کلانہ ایں اپسرگ آں بھر زوری کت۔ وزیر ءِ درئی کار ءَ برطانوی وزیر ءِ درئی کار ءَ ڈودمینک راب ءُ آئی ءِ ڈل ءَ را وزارت ءِ درئی کار ءَ آیگ ءِ پد ءَ وش اتک گوشت۔ اے موہ ءِ سر ءَ تران کنان ء۔ وزیر ءِ درئی کار ءَ گوشت کہ تئی اے تر ءُ تاب ھما تاریخی وھد ءَ بوھگ ءَ انت وھد ءِ اوگانستان ءِ جاور ھال گرانیں ءُ سکیں ساھت ءَ چہ گوزگ ءَ انت، منی 16 اگست ءُ 27 اگست ءَ شمے گوما ٹیلی فون ءِ سرا نزیکی بوتگ۔ ما اوگانستان ءِ مٹ بوھوکیں جاور ھال آنی ھوالگ ءَ ھیال ریچی کتگ۔ مزن وزیر پاکستان عمران خان ءُ مزن و2زیر برطانیہ بورس جانسن ءِ نیام ءَ ھم ٹیلی فونک رابطہ ءُ اوگانستان ءِ جاور ھال آنی سر ءَ ھیال ریچی بوتگ۔
