پاک بحریہ  ءِ فضائیہ  میل ءَ اولی نوکیں لانگ رینج میری ٹائم پٹرول جیٹ ءِ ھوار بوھگ ءِ مراگش ءِ  بند ءُ بست

کراچی۔2ستمبر (اے پی پی):پاک بحریہ  ءِ فضائی میل ءَ اولی جدیدیں لانک رینج میری ٹائم پٹرول ڈبل انجن بالیگ ءِ  ھوار بوھگ ءِ رد ءَ بست ءُ بند کتگیں مراگش  پی این ایس مہران، کراچی ءَ برجم دارگ بوت۔ آئی ایس پی آر پاکستان نیوری ءَ پنچ شمبے  ءِ روچ ءَ جاڑی کتگیں جار ءِ رد ءَ چیف آف دی نیول اسٹاف ایڈمرل محمد امجد خان نیازی ءَ مراگش ءَ ھاسیں مہمان ءِ بستار ءَ بھر زوری کت۔

مہران  بیس  ءَ پجگ ءِ پد ءَ کمانڈر پاکستان فیلٹ رئیر ایڈمرل نوید اشرف ءَ ھاسیں مہمان آناں وش اتک کت۔ دو انجنی  نوکیں جیٹ بالیگ جدیدیں برازیلین ایمبرئیر جیٹ ائیر کرافٹ ءِ یک نمونگ ات ایش میاں اوستمانی تک ءَ  بالی آپریشنز آنی تہ ءَ کارمرد بنت۔ پاک بحریہ  اے رد ءَ نوکیں دو جہاز بالی  پڑ ءَ ھوار  کنت۔ اے بالیگ زرّ ءِ سر ءَ بالی آپریشنز  آنی واستہ جدیدیں وتاس ءُ سینسرز   ءِ پٹ۔ اے موہ ءِ سر ءَ گشتانک دیان ءَ چیف آف دی نیول اسٹاف ءَ کشمیری حریت سروک سید علی گیلانی  ءَ را  جوانیں توسیپ ءُ ستا پیش کت ءُ آئی ءِ واستہ دعا ءِ نیک ھم کت۔

ایشی  ءَ پد چیف آف دی نیول اسٹاف ایڈمرل محمد امجد خان نیازی ءَ بالیگ آنی مسل سیادی داروکیں اسکواڈرن ءِ کمانڈنگ اپسرگ آنی ھوالگ ءَ کت۔ مراگش ءَ پاک بحریہ ءِ سینئر  ءُ ایٹائرڈ اپسرگ  ءُ سی پی اوز/ سیلرز آں بھر زوری کت۔