اسلام آباد۔2ستمبر (اے پی پی):صدر مملکت ڈاکٹر عارف علوی ءَ گوشت کہ مقبوضہ جموں کشمیر ءَ بھارت ءِ زوراکی گیشتر نہ چل ایت، آھودا سید علی گیلانی وڑیں مردم پیداک بیت ءُ کشمیر زوت آزات بیت۔ آ پنچ شمبے ءِ روچ ءَ ادا بزرگیں حریت علی گیلانی ءِ گائبانہ نماز جنازہ ءِ وانگ ءَ چہ پد میڈیا ءَ گوں تران کنگ ءَ ات۔ سید علی گیلانی ءِ غائبانہ نماز جنازہ پارلیمنٹ گس ءِ دیم ءَ وانگ بوت اے ساھت ءَ پارلیمنٹ ءِ باسک، آزات کشمیر ءِ باسک ءُ کشمیر ءِ صدر ءُ مزن وزیر ءَ ابید ایندگر سیاسی سروک آں بھر زوری کت۔ صدر ءِ مملکت ءَ سید علی گیلانی ءَ را توسیپ ءُ ستا پیش کت ءُ گوشت کہ مقبوضہ جموں کشمیر ءِ آزاتی ءَ تاں اے رنگیں بامرد ودی بیت۔
