اسلام آباد۔ 02ستمبر (اے پی پی) بنجائی وزیر امور کشمیر و گلگت بلتستان علی امین خان گنڈاپور بزرگ حریت راہشون سید علی گیلانی نا کزیت آ ڈکھ و غم نا درشانی ءِ کرسا پارینے کہ سید علی گیلانی کشمیری تا حق خودارادیت نا جہد نا عظیم نشانی ئس، سید علی گیلانی مچ آ زند تینا اصول آتیا سمجھوتہ کننگ آن بیدس بھارت نا سخت مقابلہ ءِ کرے۔ تینا ہڑزخواہی بیان اٹی علی امین گنڈاپور پارے کہ بھارتی ظلم و بیدادی و بھلو وخت اس حراست اٹ ہم سید علی گیلانی نا عزم ءِ شیف شاغنگ کتو۔ اوپارے کہ سید علی گیلانی حق خودارادیت نا جہد نا بابت عظیم ءُ درور اس کرے۔ اوپارے کہ سید علی گیلانی نا جہد و قربانی تے مچ آپاکستانی و کشمیری قوم سلام پیش کیک۔
