پی ٹی آئی نا مسہ سال انا دور اٹی 1753کلومیٹر سڑک جوڑ مس، وزیر مملکت حوالکاری و شینکاری فرخ حبیب نا ٹویٹ

اسلام آباد۔ 02ستمبر (اے پی پی) وزیر مملکت حوالکاری و شینکاری فرخ حبیب پارینے کہ 27.32ارب ناخڑ چ آن 69کلومیٹر موٹروے نا پوروی آن لاہور آن کھاریاں سفر اٹ اسہ گھنٹہ نا کمتی بریک، 5انٹرچینج، 5فلائی اوورز، 21کلومیٹر سروس روڈ وکیہی ہزار نوکری ودی مریک،وزیر مواصلات مراد سعید تینا وزارت نا گچین 3سال کارکڑد نا ن لیگ ناحکومت تون تقابلی جاچ ءِ پیش کرینے، مسلم لیگ ن نا دور حکومت نا اولیکو مسہ سال (16-2013)ٹی 645کلومیٹرسڑک جوڑ مس۔ پنچ شنبے نادے آ تیناٹویٹ اٹی وزیر مملکت فرخ حبیب پارے کہ پی ٹی آئی نا مسہ سال انا دور (2018-2021)اٹی 1753کلومیٹر سڑک جوڑ مس۔ پی ٹی آئی نا مسہ سال اٹی 161.264ارب نا ریونیو دوئی کننگا۔ دانا مقابلہ ٹی ن لیگ مسہ سال اٹی 73.54ارب نا ریونیو یکجا کننگ کرے۔ پی ٹی آئی دامسہ سال اٹی 119.27درسد ودکی ریونیو یکجا کرے ہراکہ اسہ ریکارڈ اسے۔ مسلم لیگ ن نا دور حکومت نا اولیکو مسہ سال اٹی 858کلومیٹر نا روڈ انا ڈٹ جوڑ مس۔ اوپارے کہ پی ٹی آئی نا اولیکومسہ سال اٹی 6118کلومیٹرنا ڈٹ جوڑ مس(12ڈٹ آتیاکاریم بناءِ وخت اس کہ 19ڈٹ آتیا اینخومالی سال اٹ کاریم بناکیک)۔ مسہ سال اٹی 5ارب روپئی آن زیات خڑچ انا ڈغارتیان کوزہ ءِ واگزار کرفنگا۔ ن لیگ انا دور اٹ داڑآکاریم کننگتو۔ احتساب و آڈٹ ریکوری ٹی مسہ سال اٹی 16ارب روپئی آن زیات ہلنگا، ن لیگ دور اٹ داڑآ کاریم کننگتو۔