اسلام آباد۔ 02ستمبر (اے پی پی) بنجائی وزیر داخلہ شیخ رشید احمد پیدوار کرینے کہ کس اسے بے چیٹی ودی کننگ و ملک اناامن تون گوازی کننگ نا موکل تفننگک، ہندن ءُ وخت اس بننگ ءِ کہ اپوزیشن ءِ حکومت تون گپ وتران کروئی تمک، دالانگ مارچ نا آخا، اواری اٹ تولسا ملک ءِ مون آ دننگ نا وخت ءِ، ہچ ءُ امریکی فوجی اس پاکستان اٹی اف، ہرکس کہ سپانسر ملک اناکمک اٹ اوغانستان آن بننگ خواہک اودے 21دے انا ویزہ تننگک ولے تینا خڑچ آ ہوٹل اٹ رہینگوئی مریک۔ داخیال آتا درشانی ءِ او پنچ شنبے نادے آ داڑے آئی 16ٹی تھانہ نون نا پوسکن آ ماڑی نا بناءِ کننگ نا وخت آ میڈیا تون گپ وتران کرساکرے، وزیرداخلہ حریت پسند راہشون سید علی گیلانی ءِ خراج عقیدت پیش کرسا پارے کہ سید علی گیلانی مچ آ زند حق و صداقت نا علم ءِ بڑزکرے، وخت اس کہ ہم اصول آتیا سمجھوتہ کتو، مچ آ زند کشمیرنا آجوئی کن جہد کرے۔ اودے جہہ جاگہ کننگ نا وخت آ بھارت الس ءِ توننگ کن کرفیو نا حالیت ودی کرے، سید علی گیلانی مدام ننا است آتے ٹی رہینگک، اونا کزیت آ ماتن اٹ پاکستانی بیرک نیمہ شیف ءِ، اسہ سوج اسے نا ورندی ٹی وزیرداخلہ پارے کہ گڑاس خطرہ غاتیا چمن بارڈر ءِ ممکن ءِ زرس وخت اکن بندکروئی تمے، پاکستان نا عظیم فوج سیم تیا پورو وڑاٹ چوکس و تیارءُ۔ اوغانستان تون گنڈوک 2686کلومیٹر سیم آ باڑخلوک ءِ، نن اوغانستان اٹ امن نا خواہندار اُن و اوغانستان اٹی امن تون پاکستان نا امن وابستہ ءِ۔ اسہ سوج اسے نا ورندی ٹی اوپارے کہ مسلم لیگ ن و اپوزیشن نا راہشون تا بیان تا ہچ ءُ کاٹم اس اف۔ اسٹ انت پاننگ ءِ ایلو انت، اسٹ پاننگ ءِ کہ قومی حکومت اس جوڑ کننگے، ارٹ میکو پاننگ ءِ حکومت تون ہیت کپنہ، ہندن ءُ وخت اس بننگ ءِ کہ اپوزیشن ءِ حکومت تون ہیت کروئی تمک، لانگ مارچ نا وخت اف، داملک ءِ اواری اٹ تولسا مون آ ہِننگ نا وخت ءِ، 15اگست آن پد اہم آدے بناکرینے، کس اسے بے چیٹی و ملک انا امن تون گوازی کننگ نا موکل تفننگک۔
