وزیراعظم عمران خان سیالکوٹ۔کھاریاں موٹروے نا بنداوءِ تخا

اسلام آباد۔ 02ستمبر (اے پی پی) وزیراعظم عمران خان سیالکوٹ۔(سمبڑیال) کھاریاں موٹروے نا بنداوءِ تخا۔ پنچ شنبے نادے آ داڑے اسہ خصوصی ءُ دود اسے ٹی وزیراعظم ڈٹ انا بنداوءِ تخا۔ داوخت آ بنجائی وزیر حوالکاری وشینکاری فواد حسین چوہدری، بنجائی وزیر مواصلات مراد سعید و وزارت مواصلات و این ایچ اے نا بڑزکو آفیسر آک ہم ساڑی ئسر۔ وزیراعظم سیالکوٹ۔(سمبڑیال) کھاریاں موٹروے ڈٹ انا تختی نا نقاب کشائی کرے۔ 69کلومیٹرآتالان سیالکوٹ۔کھاریاں موٹروے ڈٹ پبلک پرائیویٹ پارٹنر شپ انا رداٹ اِراسال انا مد اٹ پورو کننگک۔ سیالکوٹ۔کھاریاں موٹروے سمبڑیال انٹرچینج آن بناکیک و سیالکوٹ و گجرات نا ضلع و جلالپورجٹاں، گجرات، لالہ موسیٰ، دولت نگر شارتا خڑ ک آن گدرینگسا جنڈ شریف نا ہندآ چٹک۔ داموٹروے نا ایسر کھاریاں نا سویل دے ٹک اٹ کم وو د 11کلومیٹر و قومی شاہراہ (این5) آن کم وود 9کلومیٹرنا فاصلہ غامریک۔ 4لین نا داموٹروے آ 5انٹرچینجز، اسہ سروس ایریاو 2ٹول پلازہ تفنگک۔ دا ڈٹ انا پی سی ون نا خڑچ32.103ارب روپئی ءِ و دادے 2سال اٹ پورو کننگک۔ سیالکوٹ(سمبڑیال) کھاریاں موٹروے نا تفنگ و پوروی آن علاقہ نا الس ءِ ہراڑے غٹ تر بنداوی سفری آسراتی دوبریک ہموڑے اوفتے روزگار ناخاطر خواہ وارخواہی ہم دوبریک و او شونہال مرسا ملکی شونداری ٹی زیات آن زیات بشخ ہلنگ نا قابل مننگ کیرہ۔ سیالکوٹ گوازی تا مصنوعات آتا تیاری نا بابت مچ آ دنیا ٹی نمان شہرت تخوک شار اسے۔ ہندا موٹروے نا تفنگ آن دا مصنوعات آتا تہہ و پیشن ملک ات و در اٹ کمک رسینگک ہراڑآن ملک انا شونداری ٹی اسہ پین مزل نا نشان اسے نا ودکی مریک۔