اسلام آباد۔ 01ستمبر (اے پی پی) وزیراعظم عمران خان پارینے کہ بنجائی حکومت بلوچستان نا الس ناشونداری و شونہالی کن گام گیج کننگ ءِ صوبہ نا الس کن تاریخ اٹ اولیکو وار بھلو شونداری پیکج اس پیش کننگانے۔ اوداخیال آتا درشانی ءِ گورنر بلوچستان سید ظہور آغا تون گپ وتران کرسا کرے ہرا چارشنبے نادے آ داڑے وزیراعظم تون اوڑدہی کرے۔ اوڑدہی ٹی بلوچستان اٹی امن وایمنی نا حالیت و برجاشونداری ڈٹ آتیا گپ وتران کننگا۔ وزیراعظم عمران خان بلوچستان اٹی امن و ایمنی نا حالیت آتے ٹی پین گچینی کن غٹ تعلقدار فریق آتے پت اٹ ہلنگ نا پارت کرے۔ وزیراعظم پارے کہ حکومت بلوچستان نا الس نا شونداری و شونہالی کن گام گیج کننگ اٹی ءِ، صوبہ نا الس کن تاریخ اٹ اولیکو وار بھلو شونداری پیکج اس پیش کننگانے۔ اوپارے کہ ایگریکلچرل ٹرانسفارمیشن پلان بلوچستان نا بزغر آتا کمکاری تون اوار اوار صوبہ ٹی کشت وکشار نا شونداری ءِ پک کیک۔
